Дзень беларускага пісьменства “Мая родная мова, ганаруся табой”
3 верасня ў Сярэдняй школе №3 г.Нароўлі прайшло мерапрыемства,
прысвечанае Дню беларускага пісьменства “Мая родная мова, ганаруся
табой”.
Падчас мерапрыемства дзеці даведаліся шмат цікавага пра гісторыю станаўлення і развіцця беларускага пісьменства, кнігадрукавання, пра беларускіх асветнікаў. Таксама навучэнцы пазнаёміліся з традыцыяй святкавання Дня беларускага пісьменства ў Беларусі. Даведаліся, што за час правядзення свята набыло агульнанацыянальны статус, стала значнай падзеяй у культурным жыцці краіны і ў 2022 годзе святочныя мерапрыемствы праходзяць у г. Добруш Гомельскай вобласці.
Акрамя гэтага, была арганізавана дэманстрацыя відэаролікаў “ Добруш - сталіца Дня беларускага пісьменства (паштовая марка «Герб Добруша», помнік Івану Шамякіну і г.д.).
Праведзена акцыя “З Днём беларускага пісьменства, землякі!” (раздача вокладак для кніг з выявай помнікаў гісторыі і культуры г. Добруша).
